ՀՀ վարչապետ Նիկոլ Փաշինյանը, անդրադառնալով Թուրքիա կատարելիք այցին, հայտարարել է, որ այցի օրակարգի վերաբերյալ կլինի համատեղ հայտարարություն։

Նա ասել է, որ այս պահին կարող է ասել միայն, որ իրոք այցը նախատեսված է, հայտնում է 1lurer.am-ը։

«Սովորաբար նման այցերի ժամանակ կողմերը համատեղ հայտարարությամբ են հանդես գալիս, բայց մեր գործընկերները մի քիչ անհամբեր են գտնվել: Այո՛, այդպիսի պլան կա: Այցի օրակարգի վերաբերյալ կլինի համատեղ հայտարարություն:

Ես կարող եմ ասել, որ իրոք այցը նախատեսված է, և այցի վերաբերյալ ուղղակի պայմանավորվածությունները չխախտելու համար՝ համատեղության իմաստով հայտարարությունների, այս պահին ընդամենն ասեմ այն, ինչ արդեն հայտնի է»,- ասել է նա։

Ավելի վաղ Ազգային ժողովի նախագահ Ալեն Սիմոնյանը հաստատել էր, որ Նիկոլ Փաշինյանը Թուրքիայի նախագահ Ռեջեփ Թայիփ Էրդողանի հրավերով կմեկնի Թուրքիա։