Գյումրիում հունիսի 20-ին հնչած կրակոցների դեպքի առթիվ նախաձեռնվել է քրեական վարույթ։ Այդ մասին հայտնել են ՀՀ քննչական կոմիտեից, գրում է Radar Armenia-ն։

«Վարույթ է հարուցվել քրեական օրենսգրքի 195-րդ հոդվածի 2-րդ մասի 5-րդ կետով (մի խումբ անձանց կողմից ֆիզիկական ներգործությունը), 297-րդ հոդվածի 3-րդ մասով (խուլիգանությունը) և 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը)»,- հայտնել են ՔԿ-ից: