Մոսկվայում անցկացվել է «Ծիրան» հայկական փառատոնը
Հուլիսի 6–ին Մոսկվայի Եկատերինյան այգում անցկացվել է «Ծիրան» անվանումը կրող հայկական ամենամյա փառատոնը։
Միջոցառման ընթացքում եղել է լուսանկարների ցուցահանդես, հայկական ազգային տարազներով ցուցադրություն, վարպետության դասեր, ֆուտբոլային խաղեր, շախմատի և նարդու մրցաշարեր, հայտնում է Sputnik Արմենիան։
Ներկաները հյուրասիրվել են Հայաստանից հատուկ չվերթով բերված ծիրանով։
Նախօրեին Մոսկվայի Եկատերինյան այգում տեղի է ունեցել Ռուսաստանի և ԱՊՀ ժողովուրդների փառատոն: Երկար և կարճ նարդու մրցաշարերում մրցանակային տեղեր են զբաղեցրել Հայաստանի ներկայացուցիչները:
