Հակակոռուպցիոն կոմիտեն հերքել է Վարդենիսում վաղ առավոտյան իբրև իրականացված ձերբակալությունների վերաբերյալ հրապարակված տեղեկությունները, հայտնում է «Փաստինֆոն»։
Համացանցում տարածված էին պնդումներ, թե առավոտյան ժամերին ձերբակալվել են «Միասնական Վարդենիս» խմբակցության ղեկավար Դավիթ Շահնազարյանը և Սոթքի վարչական ղեկավար Սևակ Խաչատյանը։
ՀԿԿ –ից նշել են, որ նրանք ձերբակալված չեն։
«Հիշյալ անձիք ձերբակալված չեն, նրանց մասնակցությամբ կատարվում են քննչական գործողություններ», -հայտնել են պաշտոնաան մարմնից՝ ձեռնպահ մնալով հայտնել, թե ինչ վարույթի շրջանակներում են նրանց հետ կատարվում քննչական գործողությունները։
Սոթքի վարչական ղեկավար Սևակ Խաչատրյանը, արձագանքելով այն լուրերին, թե իրեն և «Միասնական Վարդենիս» խմբակցության ղեկավար Դավիթ Շահնազարյանին վաղ առավոտյան ձերբակալել են, պարզաբանել է, որ այս պահին չի գտնվում աշխատանքի վայրում, սակայն ազատության մեջ է։
