Իրանի Արտաքին գործերի նախարարությունը հայտարարել է, որ եթե իրանցի դիվանագետները ԱՄՆ Անկախության օրվա պատվին կազմակերպված միջոցառումներին մասնակցելու հրավերներ ստանան, դրանք կդիտարկվեն, հաղորդում է իրանական IRNA տեղեկատվական գործակալությունը:

IRNA գործակալության տեղեկատվության համաձայն, Ադրբեջանում ԱՄՆ դեսպան Էնն Դերսին պատրաստվում է Իրանի դեսպանին Բաքու հրավիրել Անկախության օրվա տոնակատարությանը: Իրանցի դիվանագետներին հրավիրելու կարգադրությունը տրվել էր բոլոր ամերիկացի դիվանագիտական առաքելություններին:

ԱՄՆ Անկախության օրը տոնվում է հուլիսի 4-ին: