Թուրքիան հասկանում է, որ պետք է փոխի Հայաստանի նկատմամբ քաղաքականությունը
«Այսօր Թուրքիան հստակ գիտակցում է, որ պետք է փոխի Հայաստանի նկատմամբ քաղաքականությունը եւ հարեւան երկրների հետ հարաբերությունների ձեւաչափը: Թուրքիան երկիր է, որն իր բոլոր հարեւանների հետ ունեցել է կամ ունի խնդիրներ եւ Թուրքիայի ներկայիս ԱԳ նախարարը «ոչ մի խնդիր հարեւան երկրների հետ» կարգախոսի հեղինակն է»,- այդ մասին Երեւանում լրագրողների հետ հանդիպման ժամանակ հայտարարել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը: Նրա խոսքերով, ուշադրություն դարձնելով այս հանգամանքին, Թուրքիան չի կարող մոռանալ, որ գոյություն ունի Ադրբեջանը, որին Անկարան չի ցանկանում կորցնել: «Բացի դրանից, Թուրքիայում իշխող կուսակցության, քաղաքական վերնախավի, մտավորականության շարքերում շատ մարդիկ կան, որոնք իրենց հերթին չեն ցանկանում Հայաստանի հետ հարաբերությունների մերձեցում եւ ջերմացում»,- ասել է հայ քաղաքագետը:
