Microsoft-ը օգտվողներին ավելի քիչ հնարավորություն է տալիս` հեռացնելով Windows-ի եվրոպական տարբերակից Internet Explorer-ի բրաուզերը եւ տրամադրելով օպերացիոն համակարգն առանց բրաուզերի: Այդ մասին Microsoft-ին են հայտարարել Եվրահանձնաժողովի ներկայացուցիչները: Եվրոպացի պաշտոնյաները գտնում են, որ օգտվողներին հարկավոր է բրաուզերների ընտրության հնարավորություն տալ, ոչ թե հեռացնել միակ եղած բրաուզերը:

Microsoft-ի բրաուզերային քաղաքականության քննարկումը բրաուզերների շուկայում նորվեգական մրցակից Opera-ի նախաձեռնած քննարկման մի մասն է: Opera-ին են միացել Mozilla-ն, Google-ը, Oracle-ը, Sun-ը եւ IBM-ը:

Microsoft-ի որոշումն արդեն իսկ դուր չի եկել Opera-ին: Կորպորացիան ոչ միայն գտնում է, որ անհրաժեշտ է բրաուզերների ընտրության հնարավորություն տալ, այլ նաեւ դժգոհ է նրանից, որ պատժամիջոցները կիրառելի են միայն Եվրոպայի տարածքում: Opera-ում Internet Explorer-ի ընդգրկումը Windows-ում գլոբալ խնդիր են համարում:

Նախկինում, ԱՄՆ-ի տարածքում նման քննարկումների դեպքում, Microsoft-ը պնդել է, որ անհնար է Internet Explorer-ը հեռացնել Windows-ից առանց OC գործառնության կորստի, քանի որ Windows Vista-ի նոր ծառայությունների փաթեթը հնարավոր դարձրեց բրաուզերի հեռացումը,-հաղորդում է Associated Press-ը: