Երևանում կկառուցվի կացարան մոտ 300 անտուն շների համար
2026 թվականից մայրաքաղաքում կմեկնարկեն անտուն շների համար նախատեսված կացարանի կառուցման աշխատանքները։ Այդ մասին ֆեյսբուքյան իր էջում հայտնել է քաղաքապետ Տիգրան Ավինյանը։
«Կացարանը նախատեսված կլինի մոտ 300 անտուն շների համար և ճաղավանդակներից բացի կունենա նաև բացօթյա առանձնացված տարածքներ: Ստեղծվելու է այնպիսի միջավայր, որտեղ կենդանիները կզգան իրենց առավել ապահով և անվտանգ»,–ասվում է գրառման մեջ։
Կացարանի նախագիծը կազմվել է միջազգային հաջողված փորձի ուսումնասիրման արդյունքում:
