ՀՀ քննչական կոմիտեի Արարատի մարզային քննչական վարչության Մասիսի քննչական բաժնում հարուցված քրեական վարույթի նախաքննությամբ պարզվել է, որ Զորակ համայնքի տարածքում գտնվող 5995 քմ մակերեսով հողատարածքից ընկերության կողմից անօրինաբար արդյունահանվել է 8748 խմ ծավալով ավազակոպճային լեռնային զանգված։ Դրա արդյունքում պետական բյուջեին հասցվել է 29 մլն 784 հազար 310 ՀՀ դրամի վնաս։

Նախաքննության ընթացքում ամբողջ վնասը վերականգնվել է պետությանը։

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունը չի ապացուցվել դատարանի օրինական ուժի մեջ մտած դատավճռով՝ ՀՀ քրեական դատավարության օրենսգրքով սահմանված կարգով։