Ոստիկանին ծեծի ենթարկելու համար ձերբակալվել է Արազապի գյուղապետը
ՀՀ Քրեական օրենսգրքի հոդված 316, մաս 1-ի համաձայն քրեական գործ է հարուցվել Արմավիրի մարզի Արազապ գյուղի գյուղապետ Մանվել Հարությունյանի դեմ: Այդ մասին PanARMENIAN.Net-ի թղթակցին հաղորդել են Հայաստանի Ոստիկանության հասարակայնության հետ կապերի բաժնից: Գործը վարում է ՀՀ Ոստիկանության Արմավիրի մարզի հետաքննչական բաժինը:
Մանվել Հարությունյանը խոչընդոտում էր ոստիկանությանը Արազապ գյուղում տեղ գտած ճանապարհատրանսպորտային պատահարի հանգամանքների բացահայտման գործում: Ինչպես հաղորդում է ՀՀ Ոստիկանության Արմավիրի բաժնի լեյտենանտ Գրիգոր Մկոյանը, այն պահին, երբ ինքն ուսումնասիրում էր դեպքի վայրը, ժամանեց գյուղապետ Մանվել Հարությունյանը եւ ոչ սթափ վիճակում սկսեց սպառնալ լեյտենանտին: Ավելին, Մանվել Հարությունյանը բռունցքներով ծեծի ենթարկեց ճանապարհապարեկային ծառայության տեսուչին, որից հետո ձերբակալվեց:
Մանվել Հարությունյանը խոչընդոտում էր ոստիկանությանը Արազապ գյուղում տեղ գտած ճանապարհատրանսպորտային պատահարի հանգամանքների բացահայտման գործում: Ինչպես հաղորդում է ՀՀ Ոստիկանության Արմավիրի բաժնի լեյտենանտ Գրիգոր Մկոյանը, այն պահին, երբ ինքն ուսումնասիրում էր դեպքի վայրը, ժամանեց գյուղապետ Մանվել Հարությունյանը եւ ոչ սթափ վիճակում սկսեց սպառնալ լեյտենանտին: Ավելին, Մանվել Հարությունյանը բռունցքներով ծեծի ենթարկեց ճանապարհապարեկային ծառայության տեսուչին, որից հետո ձերբակալվեց:
