Հայաստանում նախատեսվում է ներդնել IMEI համարների գրանցման համակարգ, որի նպատակն է ապահովել բջջային հեռախոսների օրինական շրջանառությունը, ասվում է Կառավարության տարածած հաղորդագրության մեջ:

Նշվում է, որ IMEI համարների գրանցումը կապ չունի անձնական տվյալների հավաքագրման կամ վերահսկողության հետ:

Նշվում է, որ կարգավորումը նպատակ ունի՝

• նվազեցնել ապօրինի ներմուծված բջջային հեռախոսների շրջանառությունը,
• ապահովել հավասար և արդար մրցակցային պայմաններ օրինական ներմուծողների համար,
• պաշտպանել սպառողներին կեղծ կամ փոփոխված IMEI համարներով հեռախոսներից,
• ստեղծել բջջային հեռախոսների հաշվառման միասնական շտեմարան։

«Միաժամանակ կարևոր է ընդգծել, որ նախաձեռնությունը կապ չունի քաղաքացիների անձնական տվյալների հավաքագրման կամ վերահսկողության հետ։ Ստեղծվող շտեմարանում պահպանվելու է միայն սարքի 15-նիշանոց IMEI համարը՝ առանց որևէ անձնական տվյալների»,– ասված է հաղորդագրության մեջ։

Կառավարությունը ներկայացրել էնաև հարցի շուրջ շավալված քննարկման ամենահաճախ հնչող կարծիքներն ու փաստարկված պարզաբանումները։

Առաջարկվող կարգավորմամբ նախատեսվում է ստեղծել IMEI կոդերի միասնական պետական համակարգ, ապահովել դրա փոխգործելիությունը մաքսային մարմինների, կապի օպերատորների և այլ պետական կառույցների տվյալների շտեմարանների հետ։ Համակարգը թույլ կտա համադրել մաքսային տվյալները, օպերատորների ակտիվացումները և միջազգային ռեգիստրները՝ թույլատրելով միայն օրինական ներմուծված կամ սահմանված կարգով գրանցված սարքերի ակտիվացումը։

Նախագծով նախատեսվում է նաև անհատների համար իրենց նոր բջջային հեռախոսի IMEI կոդն առցանց գրանցելու հնարավորություն։