Վարչապետ Նիկոլ Փաշինյանը Թեհրանում Իրանի նախագահ Մասուդ Փեզեշքիանի հետ հանդիպմանը ևս մեկ անգամ իր ցավակցությունն է հայտնել ԻԻՀ գերագույն առաջնորդ Ալի Խամենեիի մահվան կապակցությամբ՝ ընդգծելով, որ Հայաստանը կիսում է Իրանի ժողովրդի վիշտը։
Փեզեշքիանը շնորհակալություն է հայտնել վարչապետ Նիկոլ Փաշինյանին Ալի Խամենեիի հրաժեշտի պաշտոնական արարողությանը մասնակցելու նպատակով Թեհրան ժամանելու համար։ Նա նշել է, որ Իրանը բարձր է գնահատում Հայաստանի կառավարության որդեգրած դիրքորոշումը դժվարին իրավիճակում, ինչպես նաև ցուցաբերած մարդասիրական աջակցությունը։
Փեզեշքիանը շնորհավորել է Նիկոլ Փաշինյանին խորհրդարանական ընտրություններում հաղթանակի կապակցությամբ և համոզմունք հայտնել, որ երկու երկրների միջև հարաբերությունները շարունակում են հետևողականորեն զարգանալ և առավել ամրապնդվել։
Հանդիպման ընթացքում կողմերը մտքեր են փոխանակել նաև տարածաշրջանային նշանակության մի շարք հարցերի շուրջ՝ կարևորելով խաղաղության, կայունության և տարածաշրջանային համագործակցության ամրապնդմանն ուղղված հետևողական քայլերի իրականացումը։
Փաշինյանը Թեհրանում է՝ մասնակցելու ԻԻՀ հանգուցյալ գերագույն առաջնորդ Ալի Խամենեիի հրաժեշտի պաշտոնական արարողությանը:
