Վարչապետ Նիկոլ Փաշինյանը շնորհավորել է Էնդի Բերնհեմին՝ Մեծ Բրիտանիայի վարչապետի պաշտոնը ստանձնելու առթիվ։ Այդ մասին նա գրառում է կատարել X-ի իր պաշտոնական էջում:

«Ակնկալում եմ սերտ համագործակցություն՝ խորացնելու Հայաստան–Միացյալ Թագավորություն ռազմավարական գործընկերությունը և ամրապնդելու մեր ժողովուրդների միջև բարեկամությունը»,- գրել է Փաշինյանը։

Էնդի Բերնհեմը պաշտոնապես ստանձնել է Մեծ Բրիտանիայի վարչապետի պաշտոնը և թագավոր Չարլզ III-ի հետ հանդիպումից հետո առաջին ելույթն է ունեցել Դաունինգ սթրիթի վարչապետական նստավայրի առջև։ Նա նաև հայտնել է, որ վարչապետի կարգավիճակում իր առաջին միջազգային հեռախոսազրույցները կունենա ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկու հետ։

Չարլզ III-ը պաշտոնապես հանձնարարել է Բերնհեմին ձևավորել երկրի կառավարությունը։ Մեծ Մանչեսթերի 56-ամյա նախկին քաղաքապետը ընտրվել էր Լեյբորիստական կուսակցության ղեկավար՝ այդ պաշտոնում փոխարինելով Քիր Սթարմերին