Հայ գրոսմայստեր Սերգեյ Մովսեսյանը (2716), որը ներկայացնում է Սլովակիան, այսօր մեկնարկում է բասկյան Սան-Սեբաստյան քաղաքում ընթացող միջազգային շախմատային փառատոնին: Աշխարհի 10 ուժեղագույն գորսմայստերները կմրցեն «San Sebastian European Cultural City 2016» խորագիրը կրող փառատոնի չորս առաջնություններից առաջինում: Առաջնությունն ունի 18 կարգերի աստիճան եւ ՖԻԴԵ միջին վարկանիշ` 2682:

Այդպիսով, Մովսեսյանի մրցակիցները կլինի աշխարհի նախկին չեմպիոն Անատոլի Կարպովը (2644), Պիտեր Սվիդլերը (2739, երկուսն էլ` Ռուսաստան), Ռուսլան Պոնոմարյովը (Ուկրաինա` 2727), Խիկարու Նակամուրան (Ուզբեկստան` 2672), Մաքսիմ Վաշյե-Լագրավը (Ֆրանսիա` 2703), Ֆրանցիսկո Վալեխոն (2693), Պաբլո Սան Սեգունդոն (2570, երկուսն էլ` Իսպանիա), Ռուստամ Կասիմջանովը (Ուզբեկստան` 2672) եւ Խուլիո Գրանդան (Պերու` 2647):

Առաջնությունը տեղի կունենա շվեյցարական համակարգով` 9 ռաունդ: Հանդիպումները կկայանան Սան-Սեբաստյանի քաղաքապետարանի պլենարային նիստերի դահլիճում: Խաղարկային օրերը` հուլիսի 7-9, 11-16:

Այսօր առաջին ռաունդում Սերգեյ Մովսեսյանը սեւերով կխաղա ռուս Պիտեր Սվիդլերի դեմ: