Բլոգերի ոլորտում մարդկանց կարծիքները բավականին հակասական են, ոմանք պահանջում են արտգործնախարար Էդվարդ Նալբանդյանի հրաժարականը, մյուսները, ընդհակառակը, գտնում են, որ նա լոկ «խոսափող» է կառավարության ձեռքում: Այդ մասին մամլո ասուլիսի ժամանակ հայտարարել է Արթուր Ավթանդիլյանը: Նրա խոսքերով, դա Նալբանդյանի մեղքը չէ, պարզապես նա առաջինն էր, ով հանդես եկավ Մադրիդյան սկզբունքների օգտին: «Հայաստանի համար բոլոր ներկայացված սկզբունքներն ազգային շահերի դավաճանություն են», - ասել է Ավթանդիլյանը:

Իրենց հայտարարությունում հայ բլոգերները ՀՀ նախագահ Սերժ Սարգսյանից պահանջել են անհապաղ պաշտոնանկ անել Հայաստանի արտգործնարար Էդվարդ Նալբանդյանին` դատապարտելով հուլիսի 11-ին վերջինիս հայտարարությունը, որում նա ողջունում է ԵԱՀԿ Մինսկի խմբի համանախագահող երկրների առաջնորդների բացեիբաց հակահայկական հայտարարությունը: