Հնարավոր է` հայ գիտակները մասնակցեն «Ի՞նչ, Ո՞րտեղ, Ե՞րբ» հայտնի ինտելեկտուալ խաղի նկարահանումներին, որը հեռարձակվում է ռուսական «Առաջին ալիքով», այսօր Հարավային Կովկասի ինտելեկտուալ խաղերի առաջնությանը հայկական թիմերի ելույթներին նվիրված մամլո ասուլիսին լրագրողներին է հաղորդել Հայաստանի կրթության եւ գիտության նախարար Արմեն Աշոտյանը:

Աշոտյանի խոսքով, այդ ուղղությամբ համապատասխան աշխատանքներ են ընթանում, քանի որ «գիտակների» հայկական թիմը համապատասխան մտավոր պոտենցիալ ունի եւ կարող է արժանապատվորեն ներկայացնել Հայաստանը, սակայն այդ ծրագրի իրականացման համար, ինչպես նշել է նախարարը, անհրաժեշտ է հովանավորների աջակցությունը, այդ թվում նաեւ` մասնավոր, քանի որ նախագծի իրականացմա այս փուլում նկատելի է ֆինանսական միջոցների պակասը: