Եվրոպական հեռարձակման միությունն Ադրբեջանից պատասխան է ստացել այն տեղեկատվության առիթով, որ Ադրբեջանի Ազգային անվտանգության նախարարությունը հարցաքննման է կանչել 43 քաղաքացիների, ովքեր Եվրատեսիլ 2009 մրցույթին քվեարկել են հայ երգչուհիներ Ինգա եւ Անուշ Արշակյանների օգտին: Մոսկվայում անցնող Եվրատեսիլ մրցույթի հեռարձակումն Ադրբեջանում ապահովող EBC - Ictimai-ի ադրբեջանական անդամը, հաստատելով իր հավատարմությունը արդար եւ ազատ քվեարկությանը, հայտնել է, որ Ադրբեջանի Ազգային անվտանգության նախարարությունը վստահեցրել է, որ հայկական երգի համար քվեարկած ոչ մի քաղաքացի չի հարցաքննվել:

ԵՀՄ գլխավոր տնօրեն Ժան Ռեւելյոնը հայտնել է, որ ինքը հաշցի է առել այդ հայտարարությունը: Նրա խոսքով, մրցույթի ցանկացած երգի օգտին, բացի սեփական երկրի երգից քվեարկելու ազատությունը մրցույթի անկյունաքարերից մեկն է: «Քվեարկության գաղտնիության ցանկացած խախտում կամ անձանց հարցաքննություն բացարձակ անընդունելի է»,- նկատել է ԵՀՄ գլխավոր տնօրենը:

ԵՀՄ կոմիտեն այդ հաչցը կքննարկի սեպտեմբերի 11-ին Օսլոյում կայանալիք խորհրդակցությանը:

Ավելի վաղ ադրբեջանական մամուլում տեղեկատվություն էր հայտվել այն մասին, որ Ադրբեջանի Ազգային անվտանգության նախարարությունը հարցաքննության է կանչել 43 քաղաքացիների, ովքեր 43 քաղաքացիների, ովքեր Եվրատեսիլ 2009 մրցույթին քվեարկել են հայ երգչուհիներ Ինգա եւ Անուշ Արշակյանների օգտին: Ադրբեջանի պաշտոնական անձինք այդ փաստը հերքում են: