ՀՀ-ի եւ Թուրքիայի միջեւ ստորագրված փաստաթղթերը դժվար է որակել որպես հայանպաստ
«ՀՀ-ի եւ Թուրքիայի միջեւ ստորագրված փաստաթղթերը դժվար է որակել որպես միանշանակ հայանպաստ, քանի որ այնտեղ կան կետեր, որոնք կարող են առիթ տալ տարբեր մեկնաբանությունների համար»,-այսօր Երեւանում կայացած մամլո ասուլիսում հայտարարել է ԵՊՀ թրքագիտության ամբիոնի դասախոս, թուրքագետ Ռուբեն Մելքոնյանը:
Ըստ Մելքոնյանի, այս փաստաթուղթը միջպետական հարաբերությունների հաստատման մասին է, ուստի զիջումներ պետք է լինեն երկու կողմերից: «Փաստաթղթում երկու կետ կա, որոնք հայանպաստ չեն, մասնավորապես, այն կետը, որ կողմերը ճանաչում են միմյանց տարածքային ամբողջականությունը, այլ կերպ ասած, Հայաստանը ճանաչում է Թուրքիայի սահմանները»,-ասել է թուրքագետը: Նրա խոսքերով, եթե ելնենք իրական քաղաքականությունից, ապա երբ պետությունները հարաբերություններ են հաստատում, նրանք երկկողմանի կարգով ճանաչում են միմյանց սահմանները:
Նա նաեւ նշել է, որ մյուս կողմից կա նաեւ պատմական տարածքների հարցը, ինչը չափազանց կարեւոր է Հայաստանի համար: «Դա հայերի ինքնության անբաժան մասն է եւ առկա պայմաններում մենք պետք է պահպանենք հողերը վերադարձնելու գաղափարը»,-ասել է Մելքոնյանը:
Թուրքագետն ընդգծել է, որ երկրորդ խնդրահարույց հարցը միջկառավարական հանձնաժողովի ստեղծման մասին կետն է, որը զբաղվելու է պատմական փաստերի քննարկմամբ: Ըստ Մելքոնյանի, ձեւակերպումներում արդեն նկատելի է մեղմացում, սակայն պետք է հաշվի առնել, որ թուրք պատմաբանները պարտադիր քննարկման կհանեն Հայոց ցեղասպանության հարցը: «Ամեն դեպքում, ես վստահ եմ, որ հայ գիտնականներից ոչ ոք չի քննարկի Ցեղասպանության հարցը»,-ասել է Մելքոնյանը:
Ըստ Մելքոնյանի, այս փաստաթուղթը միջպետական հարաբերությունների հաստատման մասին է, ուստի զիջումներ պետք է լինեն երկու կողմերից: «Փաստաթղթում երկու կետ կա, որոնք հայանպաստ չեն, մասնավորապես, այն կետը, որ կողմերը ճանաչում են միմյանց տարածքային ամբողջականությունը, այլ կերպ ասած, Հայաստանը ճանաչում է Թուրքիայի սահմանները»,-ասել է թուրքագետը: Նրա խոսքերով, եթե ելնենք իրական քաղաքականությունից, ապա երբ պետությունները հարաբերություններ են հաստատում, նրանք երկկողմանի կարգով ճանաչում են միմյանց սահմանները:
Նա նաեւ նշել է, որ մյուս կողմից կա նաեւ պատմական տարածքների հարցը, ինչը չափազանց կարեւոր է Հայաստանի համար: «Դա հայերի ինքնության անբաժան մասն է եւ առկա պայմաններում մենք պետք է պահպանենք հողերը վերադարձնելու գաղափարը»,-ասել է Մելքոնյանը:
Թուրքագետն ընդգծել է, որ երկրորդ խնդրահարույց հարցը միջկառավարական հանձնաժողովի ստեղծման մասին կետն է, որը զբաղվելու է պատմական փաստերի քննարկմամբ: Ըստ Մելքոնյանի, ձեւակերպումներում արդեն նկատելի է մեղմացում, սակայն պետք է հաշվի առնել, որ թուրք պատմաբանները պարտադիր քննարկման կհանեն Հայոց ցեղասպանության հարցը: «Ամեն դեպքում, ես վստահ եմ, որ հայ գիտնականներից ոչ ոք չի քննարկի Ցեղասպանության հարցը»,-ասել է Մելքոնյանը:
