Երեւանում անցնում է Հայաստանի նախագահ Սերժ Սարգսյանի հանդիպումը երկրի քաղաքական կուսակցությունների առաջնորդների հետ: Խորհրդակցությունների թեման Հայ-թուրքական հարաբերությունների կարգավորման վերաբերյալ արձանագրություններն են, մասնավորապես, դիվանագիտական հարաբերությունների հաստատման ու հայ-թուրքական սահմանի բացման վերաբերյալ: Խորհրդակցություններին մասնակցում է նաեւ ՀՀ ԱԳ նախարար Էդվարդ Նալբանդյանը:

Օգոստոսի 31-ին հրապարակվեց Շվեյցարիայի ԱԳՆ միջնորդությամբ ՀՀ եւ Թուրքիայի ԱԳՆ-ների կնքած համաձայնագիրը հարաբերությունների կարգավորման մասին: Ձեռք բերված համաձայնության մասին հայտարարությունը հրապարակվեց 2009թ. ապրիլի 23-ին:

Թուրքիան փակել է սահմանը Հայաստանի հետ 1993թ. ի նշան համերաշխության Ադրբեջանի հետ ղարաբաղյան հակամարտության հարցում: