Ադրբեջանի ազգային անվտանգության նախարար Նամիկ Աբբասովի երեկվա հայտարարությունը գործնականում հաստատում է վաղուց արդեն հայտնի այն փաստը, որ Բաքուն միջազգային ահաբեկչական ցանցի կարեւոր օղակներից մեկն է: Ինչպես հաղորդում է «Ազադլիգ» թերթը, Ադրբեջանի հատուկ ծառայությունների ղեկավարը հայտարարել է լրագրողներին, որ Ադրբեջանում գործում են, ԱՄՆ պետդեպարտամենտի կողմից աշխարհի առավել վտանգավոր ահաբեկչական կազմակերպությունների ցանկում ընդգրկված, «Հեզբոլախ» ահաբեկչական կազմակերպության օղակները: Դրանից բացի, հայտնի է, որ Ադրբեջանում ակտիվորեն գործում են այնպիսի ահաբեկչական խմբավորումների տարածաշրջանային կազմակերպությունները, ինչպիսիք են «Հիզբուրտ-Թահրիրը», «Ջեյշուլահը», «Իսլամական ջիհադը», «Իհվանուլ մուսլիմինը», «Գուտբիյեն» եւ այլն: Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: