Արփի Վարդանյան. Հայոց ցեղասպանության մասին 252-րդ բանաձեւին արդեն 132 կոնգրեսական է միացել
Հայաստանում եւ Լեռնային Ղարաբաղում Ամերիկայի Հայկական համագումարի (ԱՀՀ) տարածաշրջանային տնօրեն Արփի Վարդանյանը վստահ է, որ հայ-թուրքական հարաբերությունների կարգավորման վերաբերյալ արձանագրությունները չեն կարող խոչընդոտել Հայոց ցեղասպանության միջազգային ճանաչմանը: «Մենք շարունակում ենք ջանքեր գործադրել ԱՄՆ Կոնգրեսում Հայոց ցեղասպանության մասին 252-րդ բանաձեւի ընդունման ուղղությամբ: Աշխատանքն այդ ուղղությամբ շարունակվում է եւ արդեն 132 կոնգրեսական է միացել բանաձեւին»,-հայտարարել է Արփի Վարդանյանը Երեւանում կայացած մամլո ասուլիսում:
Նրա խոսքերով, աստիճանաբար Հայոց ցեղասպանության փաստը սկսում է քննարկվել թուրքական հանրության շրջանում: «Աշխարհում ոչ ոք, Թուրքիայից բացի չի ժխտում Հայոց ցեղասպանության փաստը: Ես վստահ եմ, որ միտումներն այնպիսին են, որ Թուրքիան վաղ թե ուշ կճանաչի Հայոց ցեղասպանությունը»,-ասել է Արփի Վարդանյանը:
Նրա խոսքերով, աստիճանաբար Հայոց ցեղասպանության փաստը սկսում է քննարկվել թուրքական հանրության շրջանում: «Աշխարհում ոչ ոք, Թուրքիայից բացի չի ժխտում Հայոց ցեղասպանության փաստը: Ես վստահ եմ, որ միտումներն այնպիսին են, որ Թուրքիան վաղ թե ուշ կճանաչի Հայոց ցեղասպանությունը»,-ասել է Արփի Վարդանյանը:
