Ռուսաստանի փոխարտգործնախարար, Կասպից ծովի հարցերով Ռուսաստանի նախագահի հատուկ ներկայացուցիչ Վիկտոր Կալյուժնին հանդես է եկել Հայաստանի եւ Ադրբեջանի միջեւ երկաթուղային հաղորդակցության վերականգման օգտին: Ինչպես հաղորդում է "ՄԵԴԻԱՄԱՔՍ" գործակալությունը, Կալյուժնին ասել է այս մասին, ելույթ ունենալով Քեմբրիջում կայացած «Կասպից ծով. նոր դարաշրջանի քաղաքականություն» կոնֆերանսում: «Ադրբեջանի նախագահ Հեյդար Ալիեվի հետ մոսկովյան բանակցությունների ընթացքում ռուսաստանյան կողմը վերահաստատել էր շահագրգռվածությունը ղարաբաղյան հակամարտության կարգավորման հարցում: Ռուսաստանը մտադիր է ջանքեր գործադրել այնպիսի կարգավորմանը հասնելու համար, որը չի ենթադրի հաղթողներ եւ պարտվածներ: Մենք գտնում ենք, որ այսօրվա պայմաններում, երբ կողմերը դեռ պատրաստ չեն ընկալել համապարփակ կարգավորման սխեման, բանակցային առաջընթացին կնպաստեր «փոքր քայլերի» տակտիկան` երկաթուղային հաղորդակցության վերականգնումը, վստահության միջոցները եւ այլն»,- հայտարարել է Ռուսաստանի նախագահի հատուկ ներկայացուցիչը: Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: