Միջին քաշային կարգում IBF վարկածով աշխարհի նախկին չեմպիոն, նախկինում պարտություն չկրած հայ բռնցքամարտիկ Արթուր Աբրահամը եւ իր ամերիկացի մրցակից Ջերմեյն Թեյլորը կշռվել են նախքան դեբյուտային մենամարտը «Super Six World Boxing Classic» բռնցքամարտի առաջնության շրջանակներում, որը կկայանա հոկտեմբերի 17-ին Բեռլինի «O2» արենայում:

Աբրահամը 76,2կգ քաշ ունի, ինչը ընդհուպ մոտենում է երկրորդ քաշային կարգի թույլատրելի սահմանին: Նրա առաջին մրցակցի` այդ քաշային կարգում աշխարհի նախկին բացարձակ չեմպիոն, ամերիկացի Ջերմեյն Թեյլորի քաշը 75,4կգ էր:

Արդյունքում Աբրահամը 0.8կգ-ով ծանր է իր մրցակցից: Բայց այդ փաստը չի կարող ազդել առաջիկա մենամարտի վրա, քանի որ երկուսն էլ համապատասխանում են միջին քաշային կարգին (72,574-76,203կգ):