Լեռնային Ղարաբաղի հակամարտության կարգավորման գծով ԵԱՀԿ Մինսկի խմբի համանախագահներ Յուրի Մերզլյակովը (Ռուսաստան), Բեռնար Ֆասյեն (Ֆրանսիա), Ռոբերտ Բրադտկեն (ԱՄՆ) եւ ԵԱՀԿ գործող նախագահի անձնական ներկայացուցիչ Անջեյ Կասպրշիկը Երեւան կժամանեն նոյեմբերի 6-ին: Այդ մասին PanARMENIAN.Net-ին հայտնի է դարձավ դիվանագիտական աղբյուրներից:

Այցի ընթացքում նշանակված են միջնորդների հանդիպումները Հայաստանի նախագահ Սերժ Սարգսյանի եւ արտաքին գործերի նախարար Էդվարդ Նալբանդյանի հետ:

Միջնորդները կքննարկեն Հայաստանի ու Ադրբեջանի նախագահների նոր հանդիպման նախապատրաստմանն առնչվող հարցեր: