ԵԱՀԿ Մինսկի խմբի համանախագահները Լեռնային Ղարաբաղի հակամարտության խաղաղ կարգավորման վերաբերյալ նախապատրաստել են նոր առաջարկներ, որոնք չեն հանդիսանում «քի-վեսթյան սկզբունքների» շարունակությունը: ԱՄՆ-յում տարած վիրահատությունից հետո Բաքու վերադառնալուն պես` այդ մասին լրագրողներին է հայտարարել Ադրբեջանի նախագահ Հեյդար Ալիեւը: Խոսելով ամերիկյան զինվորականների Ադրբեջան գալու հավանականության մասին, ինչպես Վրաստանի Պանկիսի կիրճում, Ալիեւը խուսափել է ուղղակի պատասխանից: Նա հասկացրել է, որ միայն Ադրբեջանի ցանկությունը դեռ բավական չէ: «Դա մի բան չէ, որ վաճառվում է եւ յուրաքանչյուրը կարող է գնել»,- ասել է Ալիեւը: Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: