Իրանում ընդդիմության առաջորդ Միր Հոսեյն Մուսավիի ավտոմեքենայի վրա հարձակում են գործել: Նախնական տեղեկությունների համաձայն, ավտոմեքենան որի մեջ էր Մուսավին, մոտոցիկլետիստների հարձակման է ենթարկվել:

Տեղի ունեցած միջադեպի արդյունքում Իրանի ընդդիմության ղեկավարը չի տուժել, սակայն տուժել է Հ. Մուսավիին ուղեկցող մարդկանցից մեկը: Ինչպես տեղեկացնում են ականատեսները, հարձակում գործած անձանցից մեկը կոտրել է մեքենայի հետնամասի ապակին: Մուսավին Թեհրան էր վերադառնում ընդդիմադիր հոգեւորական գործիչ այաթոլա Հոսեյն Ալի Մոնտազերիի հուղարկավորության արարողությունից, հաղորդում է ռուսական ՌԲԿ տեղեկատվական գործակալությունը: