Թուրքիայի Աղթամար կղզում, Վանա լճի ափին գտնվող Սբ խաչ եկեղեցին չի բացվելու պատարագի արարողության համար, իսկ նրա գմբեթին խաչ չի տեղադրվելու: Այդ մասին հայտարարել է Թուրքիայի մշակույթի եւ զբոսաշրջության նախարար Էրթոգրուլ Գյունայը: «Եկեղեցին նախարարությանը կից թանգարան է եւ գործելու է միայն որպես թանգարան` զբոսաշրջիկների այցելությունների համար», - նախարարի խոսքերն է մեջբերում թուրքական Milliyet թերթը:
2009 թ. դեկտեմբերին Վանի նահանգապետ Մյունիր Կարաօղլուն հայտարարել էր, որ Սբ Խաչ եկեղեցին շուտով բացվելու է պատարագի եւ ժամերգությունների համար: Նահանգապետի խոսքերի համաձայն, անհրաժեշտ բոլոր փաստաթղթերն արդեն ստորագրված են եւ, ամենայն հավանականությամբ, 2010 թ. սեպտեմբերի 12-ին եկեղեցում տեղի կունենա առաջին պատարագը: