Ադրբեջանի եւ Լեռնային Ղարաբաղի սահմանում Տերտերի ուղղությամբ տեղի ունեցած փոխհրաձգության զոհերի մասին ադրբեջանական «Զերկալո» թերթի հաղորդումը չի համապատասխանում իրականությանը: Ինչպես «Արմինֆո» գործակալությանը տեղեկացրել են Հայաստանի պաշտպանության նախարարության լրատվական ծառայությունից, նախօրեին մոտավորապես ժամը 21-ին Ադրբեջանի տարածքից կրակոցներ են հնչել, որոնց ի պատասխան, ղարաբաղյան կողմից նույնպես մի քանի կրակոց է արձակվել: Մինչդեռ «Զերկալո» թերթը հաղորդել է, որ փոխհրաձգության արդյունքում զոհվել է ադրբեջանցի զինվոր Հասան Իհբալը, ինչը հաստատվել է Ադրբեջանի պաշտպանության նախարարության կողմից: Թերթում հաղորդվում է նաեւ, որ ղարաբաղյան կողմը նույնպես կորուստներ է կրել: Սակայն Հայաստանի պաշտպանության նախարարության լրատվական ծառայությունից հաղորդել են, որ փոխհրաձգության արդյունքում ո՛չ ադրբեջանական, ո՛չ ղարաբաղյան կողմից զոհեր չեն եղել: