Անկարայում Ադրբեջանի դեսպանատունը հանդես է եկել հայտարարությունով, որում հույս է հայտնվում, որ Հայաստանի սահմանը, որն արդեն տաս տարի փակ է, Թուրքիայի կողմից չի ապաշրջափակվի: «Turkish Daily News» հաղորդման համաձայն, ինչպես տեղեկացնում է «Արմինֆո» գործակալությունը, հայտարարությունում նշվում է, որ Հայաստանի սահմանները չպետք է բացվեն այնքան ժամանակ, մինչեւ չկատարվեն նրա առջեւ դրված պայմանները` «հրաժարվել Լեռնային Ղարաբաղի օկուպացումից եւ Հայոց ցեղասպանության ճանաչման պահանջներից»: Պաշտոնական Անկարայի կողմից Հայաստանի սահմանների բացման մասին նախագծի քննարկումը, ադրբեջանական դիվանագիտության կարծիքով, «ԱՄՆ հայկական լոբբիի կողմից ճնշման արդյունքն է»: Հայտարարությունում նշվում է նաեւ, որ հայկական լոբբին փորձել է մոլորության մեջ գցել թուրք ժողովրդին` ապացուցելով, որ պաշտոնական Անկարան ԱՄՆ եւ Եվրոպայի ճնշման տակ կբացի Հայաստանի սահմանները: