Իրանի պաշտոնական ԶԼՄ-երը տեղեկացրել են հրթիռի հաջող արձակման մասին, որը նախատեսված է արբանյակի, ինչպես նաեւ մկներ, կրիաներ եւ որդեր պարունակող «փորձարարական պատիճով» հրթիռի ուղեծիր տեղափոխելու համար:
«Կավոշգար-3» հետազոտող հրթիռի եւ «Սիմորգ» բուստերային հրթիռներն Իրանում արտադրվել են Տիեզերքի ազգային տոնի առթիվ եւ դրանք զուգադիպել են Իսլամական հեղափոխության տոնին:
Իրանի նախագահ Մահմուդ Ահմադինեժադը բարձր է արտահայտվել հայրենական գիտության մասին: Նա հիշեցրել է, որ անցյալ տարի Տիեզերքի օրվա առթիվ ուղեծիր է արձակվել Իրանի արտադրած առաջին արբանյակը:
Արեւմուտքի մասնագետները կասկածանքով են վերաբերվում իրանյան տիեզերական ծրագրի արդյունավետությանը, իսկ քաղաքագետներին մտահոգում է այն, որ այդ հրթիռները կարող են լինել ռազմական մարտագլխիկներով, իսկ արբանյակները կարող են հետախուզական նպատակներով արձակված լինել, հաղորդում է VOA News:
