«Խիմկի» ֆուտբոլային ակումբը 1:2 հաշվով պարտություն կրեց «Սկա-Էներգիայից»
Փետրվարի 25-ին «Խիմկի» ֆուտբոլային ակումբը, որի կազմում հանդես է գալիս Հայաստանի հավաքականի դարպասապահ Ռոման Բերեզովսկին եւ ծագումով հայ ֆուտբոլիստ Արսեն Հովհաննիսյանը, Թուրքիայում ընթացող ուսումնամարզական հավաքի շրջանակներում երկրորդ ստուգողական հանդիպումն անցկացրեց Խաբարովսկի «Սկա-Էներգիայի» հետ:
Ինչպես հաղորդում է ակումբի պաշտոնական կայքը, երկու ֆուտբոլիստներն էլ «Խիմկիի» հիմնական կազմում են խաղացել: Հանդիպումն ավարտվեց 1:2 հաշվով հօգուտ «Սկա-Էներգիայի»:
Այդ հավաքի ամփոփիչ հանդիպումը «Խիմկին» կանցկացնի մարտի 2-ին «Ռոստովի» հետ:
