Ռուբեն Վարդանյանը մտադիր չէ վաճառել իր բաժնեմասը “Տռոյկա դիալոգ” ընկերությունում
“Տռոյկա դիալոգ” ընկերությունների խմբի տնօրենների խորհրդի նախագահը հերքել է ռուսական ԶԼՄ-ների հաղորդագրությունն այն մասին, թե նա մտադիր է հրաժարվել իր պաշտոնից և կենտրոնանալ բարեգործական և կրթական նախագծերի վրա կամ էլ քաղաքականությամբ զբաղվել Հայաստանում:
“Դա ամբողջությամբ լրագրողի հորինվածքն է, որն ասում է այն, ինչ չկա իրականում: Ուստի անիմաստ է մեկնաբանել այն, ինչ չկա”,-ասել է նա Երևանում:
“Տռոյկա դիալոգ” ընկերությունների խումբը Ռուսաստանի խոշորագույն ներդրումային բանկային ընկերությւոններից մեկն է, որը Ռուբեն Վարդանյանը գլխավորում է 1992թ. ի վեր:
