Մայիսի 14-ին կկայանա «Հայաստան» համահայկական հիմնադրամի Հոգաբարձուների խորհուրդի նիստը: Այդ կապակցությամբ Երևան են ժամանել Հոգաբարձուների խորհրդի անդամներ, տեղական մարմինների ներկայացուցիչներ, Հիմնադրամի բարերարներ, հաղորդում է Հիմնադրամի հասարակայնության հետ կապերի բաժինը:

Մինչ նիստը նախատեսվում է հնգօրյան աշխատանքային այցելություն Լեռանային Ղարաբաղ: Պատվիրակությունը կայցելի Հիմնադրամի հետևյալ ծրագրեր.

Գորիս քաղաքի սրտաբանական հիվանդանոց (հովանավորներ` Ֆրանսիայի և Լիբանանի տեղական մարմիններ),

Գիշի գյուղի միջնակարգ դպրոց (hովանավորներ` Հեռուստամարաթոն 2008, Վարդանյանների ընտանիք հիմնադրամ և ԼՂՀ Կառավարություն),

Ճարտար գյուղի միջնակարգ դպրոց (hովանավոր` Ֆրանսիայի տեղական մարմինև և ԼՂՀ Կառավարություն) Ստեփանակերտի թիվ 11 դպրոց (hովանավոր` Հիմնադրամի ԱՄՆ Արևմտյան շրջանի տեղական մարմին),

Շուշի քաղաքի Աբովյանի անվան դպրոց և Մուրացանի անվան դպրոցներ, հիմնանորոգվող երեք փողոցների և խմելու ջրի ներքին ցանց ծրագրեր, քաղաքային գրադարան, մշակույթի տուն:

Ղարաբաղյան այցելության ընթացքում տեղի կունենա նորակառույց Սպիտակաշենի գյուղի միջնակարգ դպրոցի (հովանավոր` Տորոնտոյի տեղական մարմին, Կանադա) և Սոս գյուղի խմելու ջրի ջրագծի բացման պաշտոնական արարողությունները (hովանավոր` Ֆրանսիայի տեղական մարմին):

Պատվիրակությունը կայցելի Շուշիի Ղազանչեցոց եկեղեցի և կմասնակցի Շուշիի ազատագրմանը նվիրված միջոցառումներին: