ԱՊՀ երիտասարդական նվագախումբն աշնանը համերգներ կտա Երևանում, Բաքվում, Աստանայում, Մոսկվայում, Աշխաբադում և Կիևում: Այդ մասին Փարիզում լրագրողներին է հայտնել նվագախմբի դիրիժոր Վլադիմիր Սպիվակովը:
Ինչպես PanARMENIAN.Net-ին է հաղորդել ԱՊՀ երկրների Հումանիտար համագործակցության միջպետական հիմնադրամի մամլո քարտուղար Ալեքսանդր Կալուգինը, մայիսի 10-ին նվագախումբը ելույթ ունեցավ Փարիզում` ՅՈՒՆԵՍԿՕ-ի կենտրոնակայանում` Հայրենական մեծ պատերազմում տարած հաղթանակի 65-ամյակին նվիրված համերգում:
Համերգը տևեց մոտ 2 ժամ, որին մասնակցեց նաև հայտնի ուկրաինացի դաշնակահար Ալեքսանդր Գավրիլյուկը:
«Սա շատ հուզիչ համերգ էր: Այն, որ շատերն արտասվում էին դահլիճում, կարևոր է»,-ասել է Սպիվակովը: Համերգն ավարտվել է օվացիայով: