ՀԱԿ-ն այն քաղաքական ուժն է, որն արտահայտում է Հայաստանի «բնակչության մեծամասնության կարծիքը»: Այս մասին Երևանում տեղի ունեցած մամլո ասուլիսի ժամանակ ասել է ՀԱԿ համակարգող Լևոն Զուրաբյանը: « ՀԱԿ-ի հանրահավաքներին տասնյակ հազարավոր մարդիկ են, չնայած այս ամենին, այդ ուժը խորհրդարանում նույնիսկ մեկ տեղ չունի», - ասել է ՀԱԿ համակարգողը:
Նրա խոսքերի համաձայն, Հայաստանի ղեկավարությունը փակուղում է հայտնվել նաև գերտերությունների արտաքին ճնշման ներքո, ինչը կարող է ստիպել, որ ղարաբաղյան կարգավորման հարցում իշխանությունները զիջումների գնան:
Լևոն Զուրաբյանն ընդգծել է նաև, որ միայն արտահերթ խորհրդարանական և նախագահական ընտրությունները կարող են փոխել երկրում տիրող իրավիճակը և թուլացնել գոյություն ունեցող քաղաքական լարվածությունը:
Խոսելով ԵԽԽՎ նախագահ Մևլութ Չավուշօղլուի հետ հանդիպման մասին, ՀԱԿ համակարգողը հայտարարել է, որ հանդիպման ընթացքում ՀԱԿ ներկայացուցիչները քննադատել են ԵԽԽՎ կառույցների աշխատանքը, մասնավորապես մարդու իրավունքների գծով ԵԽ հանձնակատարի աշխատանքը: «Մենք հայտարարել ենք, որ ԵԽԽՎ 1677 բանաձևը, որը մեկ տարի առաջ էր ընդունվել, արդիական է նաև այսօր», - նշել է Լևոն Զուրաբյանը:
