«Լենինի-Ստալինի Խորհրդային Միության Կոմունիստական Կուսակցության» առաջնորդ Վիկտոր Անպիլովի հրավերով Մոսկվա էր ժամանել «Ադրբեջանի միասնական կոմունիստական կուսակցության» պատվիրակությունը: Բաքվի բոլշեւիկները անցկացրին մի շարք հանդիպումներ ռուսաստանյան գաղափարակիցների հետ: Հանդիպել են նրանք նաեւ ՌԴ Պետդումայի անվտանգության կոմիտեի ենթակոմիտեի նախագահ Վիկտոր Իլյուխինի հետ, որը ՌԴ Կոմկուսի Կենտկոմի անդամ է: Ինչպես հայտնում են ադրբեջանական ԶԼՄ-ները, Իլյուխինը հայտարարել է, որ ինքը մտադիր է խորհրդարանում կրկին բարձրացնել «բուրժուական Հայաստանին Ելցինի վարչակարգի կողմից զենք փոխանցելու» մասին հարցը: Լրատվության արտատպելու, կամ օգտագործելու դեպքում հղումը "PanARMENIAN.Net"-ի վրա պարտադիր է: