Վախճանվել է ծանրամարտի Հայաստանի հավաքականի գլխավոր մարզիչ Աշոտ Մխիթարյանը
Մայիսի 23-ի գիշերը «Զվարթնոց» օդանավակայանում Վալենսիայից վերադարձող Հայաստանի ծանրամարտի պատանեկան հավաքականին դիմավորելու ժամանակ սրտի կաթվածից հանկարծամահ եղավ Հայաստանի ծանրամարտի ազգային հավաքականի գլխավոր մարզիչ, ՀՀ ֆիզկուլտուրայի և սպորտի վաստակավոր գործիչ և մարզիչ, գյումրեցի 51-ամյա Աշոտ Մխիթարյանը:
Նա 2006 թվականից գլխավորում էր ՀՀ ծանրամարտի ազգային հավաքականը, որը Պեկինի օլիմպիական խաղերից հայրենիք վերադարձավ երեք բրոնզե մեդալով:
Ա. Մխիթարյանի ղեկավարությամբ հայ ծանրորդները տասնյակ հաղթանակներ են տոնել աշխարհի, Եվրոպայի առաջնություններում և միջազգային բարձրագույն կարգի այլ մրցաշարերում:
