Հայաստանի Տավուշի մարզում մեկնարկում են թութունի աճեցման և մշակման նոր ծրագրեր, լրագրողներին հայտնել է ՀՀ վարչապետ Տիգրան Սարգսյանը մարզ կատարած այցի ժամանակ: Նրա խոսքերով, թութունի մշակումն իրականանալու է ժամանակակից տեխնիկական սարքավորումների կիրառմամբ, ինչը կապահովի սկզբնական մշակման բարձր որակ: «Նոր տեխնիկայի կիրառման շնորհիվ կբարձրանա նաև վերջնական արտադրանքի որակը»,- ավելացրել է ՀՀ վարչապետը: Դրա հետ կապված նա ասել է, որ պայմանագրեր են կնքվելու ֆերմերային տնտեսությունների և Grand Tobacco ընկերության միջև, որը կապահովի նոր աշխատատեղեր:
«Այստեղ կարևոր է այն փաստը, որ ընկերությունը ապահովագրում է կլիմայական փոփոխություններից, և գյուղացիները ոչ մի վնաս չեն կրի»,- ասել է Տիգրան Սարգսյանը: Նա ընդգծեց, որ նոր ծրագրերի իրագործումը թույլ կտա գյուղացիներին ապահովել կայուն աշխատատեղեր, ինչպես նաև զարգացնել երկրի սահմանամերձ շրջանները:
