Հունիսի 21-ից Մոսկվայի միջբանկային արտարժութային բորսայի նոր նախագահն է
լինելու Ռուբեն Աղանբեկյանը, ով ներկայում խոշորագույն ներդրումային «Ռենեսանս կապիտալ» ընկերության վարչության փոխնախագահն է: Այս մասին հաղորդում է «Կոմերսանտ» թերթը:
ՄՄԱԲ բորսայի տարածած պաշտոնական հաղորդագրության մեջ նշվում է, որ բաժնետերերը որոշել են տարանջատել անձնակազմի իրավասությունները: Կոնստանտին Կորիշչենկոն, ով մեկ տարվուց ավելի համատեղել է ՄՄԱԲ ՓԲԸ բորսայի նախագահի և գլխավոր տնօրենի պաշտոնները, այսուհետև կզբաղեցնի միայն բորսայի գլխավոր տնօրենի պաշտոնը:
Բաժնետերերի այդ որոշման պաշտոնական բացատրությունը պայմանավորված է ՄՄԱԲ խմբի ռազմավարությամբ իրականացվող խնդիրներով, դրանք են` ստեղծել հոլդինգային կառուցվածք և անցնել միասնական բաժնետոմսի, ինչպես նաև հաշվի առնելով ՖՇԴԾ կարգավորմանն ուղղված փոփոխությունները:
Ռուբեն Աղանբեկյանը հայտնի տնտեսագետ գիտնական, ակադեմիկոս Աբել Աղանբեկյանի որդին է: Նա 1995 թ. ավարտել է Մոսկվայի պետական իրավաբանական ակադեմիան: 2002 թ.-ից ղեկավարում է «Ռենեսանս կապիտալ» ընկերությունը, իսկ մինչ այդ նա աշխատել է ռուսական ներդրումային «Տրոյկա դիալոգ» բանկում` զբաղեցնոլով ներդրումային բանկային գործակալության ղեկավարի պաշտոնը:
