«Հարավկովկասյան երկաթուղի» ՓԲԸ գլխավոր տնօրեն Շևկետ Շայդուլինի հրամանով, 2010 թվականի հունիսի 1-ից Մասիս սորտավորման կայարանը ներառվել է Երևան գծակայարանային միավորման կազմի մեջ (Երևան ԳԿՄ):
ՀԿԵՈՒ մամլո ծառայության հաղորդագրության համաձայն, ընկերության կառուցվածքում տվյալ փոփոխությունը կապված է արտադրական անհրաժեշտության հետ` փոխադրման գործընթացի կառավարման համակարգի, շարժման կառավարման կառույցի տեխնոլոգիայի կատարելագործման, գործադիր դիսցիպլինայի, շահագործման աշխատանքի կազմակերպման գործում որակի ու օպերատիվության բարձրացման նպատակով: Համապատասխանաբար, փոփոխություններ տեղի կունենան Մասիս և Երևան կայարանների տեխնոլոգիական գործընթացներում: « Մասիս կայարանի աշխատողների ազատված անձնակազմը աշխատանքի կտեղավորվի ՀԿԵՈՒ զանազան կառույցային բաժանմունքներում »,- նշվում է հաղորդագրության մեջ:
