Երևանում տեղի է ունեցել ԵՄ Արևելյան գործընկերության քաղաքացիական հասարակության Հայաստանի ազգային պլատֆորմի հիմնադիր ժողովը: Ժողովի ընթացքում տեղի ունեցավ ազգային պլատֆորմի կանոնակարգի քննարկում, ինչպես նաև համակարգող խորհրդի անդամների ընտրություն: Ինչպես նշեց ԱԺ Եվրաինտեգրման հարցերի հանձնաժողովի նախագահ Նաիրա Զոհրաբյանը, ժողովն անցնում է աշխատանքային մթնոլորտում և այն կարևոր միջոցառում է: «Որքան ուժեղ են ժողովրդավարական կառույցները, այնքան կայացած է քաղաքացիական հասարակությունը, իսկ դրա կայացվածությունը վկայում է պետության ժողովրդավար լինելու մասին: Մենք կարևորում ենք այս պլատֆորմի ստեղծումը, որը առաջ կմղի Արևելյան գործընկերության այլ պլատֆորմները»,-ասաց նա:
Իր հերթին ՀՀ-ում Եվրամիության պատվիրակության ղեկավար, դեսպան Ռաուլ դը Լուցենբերգերը կարևորեց ՀԿ-ների դերը Հայաստան-ԵՄ մերձեցման գործընթացում: Նա նշեց, որ հուլիսի 2-րդ կեսին կսկսվեն ՀՀ-ի և ԵՄ-ի միջև ասոցացման համաձայնագրի կնքմանն ուղղված բանակցությնները, որը շատ դժվար և համապարփակ առաջադրանք է ներկայացնում իրենից:
ՀՀ-ում Գերմանիայի դեսպան Հանս-Յոխեն Շմիդթը նշեց, որ Եվրամիության և իր արևելյան գործընկերների միջև համագործակցության կարևորագույն ոլորտներից է մարդու իրավունքների և ազատությունների ոլորտը:
Ազգային պլատֆորմը կընդգրկի 21 հասարակական կազմակերպություն, 145 ներկայացուցչով:
