Օտարալեզու դպրոցների բացման մասին օրինագիծը, որը նախաձեռնվել է ցեղակրոնության ուսմունք դավանող շարժման կողմից, հանցագործություն է, այսօր Երևանում կայացած մամլո ասուլիսում հայտարարել է Հայ ազգային կոնգրեսի ներկայացուցիչ Վահագն Խաչատրյան: «Սա իրոք դարձել է ազգային հարց: Եթե իշխանություններն իրոք ցանկանում են բարելավել կրթական համակարգը, ապա դրա ձևը շատ պարզ է` այն է, դպրոցը հեռու պահել քաղաքականությունից և դպրոցը կսկսի նորմալ գործել: Սա իրականում արտաքին պատվեր է, որը գործող իշխանությունները պետք է կատարեն»,-հավելել է նա:

ՀԱԿ-ի ներկայացուցիչը նշել է, որ իր կարծիքով օտարալեզու դպրոցներ բացելու համար, պետք չէ օրենքում փոփոխություններ կատարել: «Եթե մեկ անգամ փոխում ենք օրենքը, ապա դա տևական գործընթաց է լինելու և միշտ փոխվելու է»,-ասել է նա: