Դեռևս մարտին, երբ ԱՄՆ Ներկայացուցիչների պալատի կոմիտեում քվեարկության էր դրվել Հայոց ցեղասպանության ճանաչման մասին բանաձևը, հրեական լոբբին արդեն չէր սատարում Թուրքիային և բավական պասիվ էր: Այդ մասին այսօր Երևանում տեղի ունեցած մամլո ասուլիսում հայտարարել է թուրքագետ Արտակ Շաքարայնը`պատասխանելով PanARMENIAN.Net-ի թղթակցի այն հարցին, թե հնարավոր է արդյոք համագործակցությունը հրեական լոբբիի հետ: «Եթե թուրք-իսրայելյան հարաբերությունները նույն մակարդակում մնան, դա բավական լուրջ հաղթանակ կլինի Հայաստանի համար: Նույնիսկ եթե Հայաստանն ու Իսրայելը սկսեն համագործակցել, դա երկար չի տևի և ապագա չի ունենա»,-ասել է նա: Ըստ թուրքագետի, ՀՀ-ն բավական սերտ համագործակցություն ունի արաբական աշխարհի հետ, այնտեղ կան բազմաթիվ հայ համայնքներ:
«Համագործակցությունը Իսրայելի հետ դրական չի անդրադառնա Հայաստանի վրա, դա չի բխում մեր շահերից»,-ասել է նա:
