«ԱրմենՏել» ընկերությունը (ապրանքանիշը Beeline) Հայաստանում ազգային կոնտենտի զարգացումը խթանելու նպատակով բոլոր հետաքրքրված անձանց և կազմակերպություններին հնարավորություն է ընձեռում տեղադրել ինտերնետ ցանցում իրենց վեբ կայքերը:
Վեբ ռեսուրսների սեփականատերերը կարող են օգտվել ընդլայնված ելքային ADSL կապուղուց, ինչպես նաև հնարավորություն ունեն տեղեկատվություն տարածել իրենց կայքէջերի վերաբերյալ ինտերնետում:
«ԱրմենՏել» ընկերությունը բազմիցս նշել է Հայաստանում ազգային կոնտենտի զարգացման անհրաժեշտության մասին: Այն հայ օգտվողների համար ավելի դյուրին կդարձնի գլոբալ ցանցում տեղեկատվության հասանելիությունը և կբարձացնի ինտերնետ կապի հուսալիությունը երկրում: Այս ամենից ելնելով «ԱրմենՏել» ընկերությունը կորպորատիվ սոցիալական քաղաքականության շրջանակում որոշեց օգնել տեղական մասնագետներին ազգային վեբ ռեսուրսների գործարկման և սպասարկման հարցում»,-նշեց «ԱրմենՏել» ընկերության Գլխավոր տնօրեն Իգոր Կլիմկոն:
Ինչպես ասվում է ընկերության մամլո հաղորդագրության մեջ, առաջարկվող ելքային կապուղու թողունակությունը 256 կբ/վ է: Ռեսուրսի սեփականատերը պարտավորվում է ապահովել տեղեկատվության շուրջօրյա հասանելիությունը ցանցում և ռեսուրսի բովանդակության համապատասխանությունը ՀՀ օրենսդրությանը:
