Լեռնային Ղարաբաղի Հանրապետության միջանկյալ կարգավիճակը, որի մասին նշվում է ԵԱՀԿ ՄԽ համանախագահող երկրների նախագահների հայտարարության մեջ, ենթադրում է ավելի բարձր կարգավիճակ, քան այն, ինչ կա այսօր: Այս մասին այսօր Երևանում լրագրողներին է հայտարարել ՀՀԿ խորհրդարանական խմբակցության քարտուղար Էդուարդ Շարմազանովը: Ըստ նրա, այսպիսով Լեռնային Ղարաբաղը կամաց-կամաց գնում է դեպի իր անկախ կարգավիճակի վերջնական ճանաչում: «Բոլորը պետք է հասկանան, որ ԼՂՀ-ն երբեք չի կարող լինել Ադրբեջանի կազմում: Մենք հաղթած պետություն ենք և պետք է բոլորս հասկանանք, որ ԼՂՀ անկախությունն այլընտրանք չունի»,-ասել է Էդուարդ Շարմազանովը: