ՄԱԿ-ի Գլխավոր քարտուղար Պան Գի Մունը կոչ է անում Արևմուտքին շարունակել բանակցություններն Իրանի միջուկային ծրագրի շուրջ: Նա հայտարարել է, որ նոր պատժամիոջցները Թեհրանի դեմ չեն փակում Իրանի միջուկային խնդրի դիվանագիտական լուծման դուռը, ասել է Պան Գի Մունը: ՄԱԿ-ի գլխավոր քարտուղարը հայտնել է, որ G20-ի շրջանակներում նա քննարկել է Իրանի խնդիրը եվրոպական երկրների առաջնորդների հետ և կոչ է արել ՄԱԿ-ի ԱԽ մշտական անդամներին և Գերմանիային վերսկսել բանակցությունները Թեհրանի հետ:
Ավելի վաղ Իրանի նախագահ Մահոմւդ Ահմադինեժադը հայտարարել է, որ Իրանը մտադիր է հետաձգել բանակցություններն Արևմուտքի հետ մի քանի շաբաթով: Ըստ Իրանի առաջնորդի, Թեհրանը կվերսկսի բանակցությունները միայն օգոստոսի վերջում: «Այդ պատիժը դաս կլինի նրանց համար, որպեսզի նրանք իմանան, թե ինչպես պետք է երկխոսություն վարել այլ երկրների հետ»,-ասել է Ահմադինեժադը, հաղորդում է «Ռոյթերս» գործակալությունը:
2010թ. հունիսի 9-ի ՄԱԿ-ի Անվտանգության խորհուրդն ընդունել է հերթական բանաձևը, որը նախատեսում է Թեհրանի հանդեպ պատժամիջոցների խստացում: Սա թվով արդեն չորրորդ բանաձևն է:
