Սեպտեմբերի 24-ին` Հայաստանի կառավարության նիստում, որը վարել է ՀՀ վարչապետ Տիգրան Սարգսյանը, ընդունվել է «Հայռուսգազարդ» ՓԲԸ կանոնադրական կապիտալում ՀՀ բաժնեմասը 5,6 մլրդ դրամով ավելացմանն ուղղված միջոցառումներին վերաբերող որոշում: Այդ մասին հաղորդում է ՀՀ կառավարության մամլո ծառայությունը:

Որոշման համաձայն, «Գյուղական տարածքների տնտեսական զարգացում», «Արտադրական ենթակառուցվածքների վերականգնում» և «Շուկայավարման հնարավորություն ֆերմերներին» ծրագրերով ձեռք բերված գույքի կազմից 5,2 մլրդ դրամ, ինչպես նաև գյուղական ձեռնարկությունների և փոքրածավալ առևտրային գյուղատնտեսության զարգացման ծրագրերով ձեռք բերված գույքի կազմից 413,5 մլն դրամ արժողությամբ 76 գազաբաշխիչ համակարգեր նվիրաբերվել են հանրապետության 10 մարզերի համայնքներին։