Դևլեթ Բախչելին իր գործողություններով նվաստացրեց թուրքական պետության մեծությունը: Այդ մասին հայտարարել է Արդարության և զարգացման իշխող կուսակցությունից ընտրված պատգամավոր Մուստաֆա Էլիտաշը: Ըստ նրա, Բախչելին և նրա զինակիցները, նամազ անելով Անիի Մայր տաճարում, պարսավանքի են արժանի:

«Ո՞ւմ դեմ էր ուղղված այդ նամազը: Հայերի թե Սումելայի վանքում մատուցված պատարագի դեմ ռեվանշի ակտ էր: Ո՞վ էր թիրախը՝ 1,5-միլիոնանոց Հայաստանը թե 3-միլիոնանոց Սփյուռքը: Ուրիշ ժամանակ, դուք եք ասում՝ Մեծ Թուրքիա, մեծ ազգ, մինչդեռ, ի դեմս մի թիզ հող ունեցող Հայաստանի դուք թշնամու եք տեսնում: Դա նման է տարբեր քաշային կարգեր ունեցող ծանրորդների պայքարի»,-ասել է Էլիտաշը, հաղորդում է SonDakika գործակալությունը: