6 հոկտեմբերի 2010 - 18:32 AMT
«ՋիԷնՍի-Ալֆա»-ն այսուհետ հեռախոսակապի ծառայություններ կտրամադրի

Հիմք ընդունելով «Էլեկտրոնային հաղորդակցության մասին» Հայաստանի Հանրապետության օրենքը, Հայաստանի Հանրապետության հանրային ծառայությունները կարգավորող հանձնաժողովը հոկտեմբերի 6-ի նիստում որոշել է.

թույլատրել «ՋիԷնՍի-Ալֆա» փակ բաժնետիրական ընկերությանը Հայաստանի Հանրապետության տարածքում զբաղեցնելու հանրային ամրակցված հեռախոսային ցանցի «4-233-2» միջազգային ազդակների հանգույցի կոդը, «6046» ոչ աշխարհագրական կոդը և նրա «xxxx» համարային շարքը: Ինչպես PanARMENIAN.Net-ին են հաղորդել ՀԾԿՀ մամլո ծառայությունում, եթե թույլտվություն ստանալուց հետո առաջին տարվա ավարտին օգտագործվում է հատկացված համարային շարքի 60%-ից պակաս, ապա օգտագործումը համարվում է ոչ արդյունավետ և Հանձնաժողովը կարող է տրամադրված համարային շարքից հետ վերցնել չօգտագործված համարները: Հատկացված համարների ոչ արդյունավետ օգտագործման դեպքում Հանձնաժողովը կարող է հեռախոսային ծառայություններ մատուցող անձին տրամադրված շարքից հետ վերցնել չօգտագործված համարները: