«Սևծովյան տարածաշրջանի ինտեգրացիան և կայուն զարգացումը» միջազգային կոնգրեսի շրջանակներում բուլղարական Բուրգաս քաղաքում նախատեսված է «Ներդրումները Սևծովյան տարածաշրջանում» բանավեճի անցկացումը:
Բանավեճի հիմնական թեմաներն են տարածաշրջանում ներդրումային նախագծերը, պետական-մասնավոր գործընկերության զարգացումը, իրավական կարգավորումը, նորարարության մեջ ներդրումները:
«Սևծովյան տարածաշրջանի ինտեգրացիան և կայուն զարգացումը» առաջին միջազգային կոնգրեսը, ինչպես նաև «Ինտեգրացիա և կայուն զարգացում» միջազգային մրցանակի համար մրցույթը տեղի կունենան 2010-ի դեկտեմբերի սկզբին: PanARMENIAN.Net-ը կոնգրեսի և մրցույթի ինֆորմացիոն գործընկերն է:
Կոնգրեսից հետո հաջորդ օրը կկայանա «Ինտեգրացիա և կայուն զարգացում» միջազգային մրցանակի հանձնման արարողությունը: Այդ մրցանակը միակն է Սևծովյան տարածաշրջանում տնտեսական և սոցիալական զարգացման մեջ ունեցած ձեռքբերումների և ինտեգրացիոն գործընթացների ու կայուն զարգացման ոլորտում նախաձեռնության համար:
